Caveman skill: javoblardagi token sarfini uchdan ikkiga qisqartirish

Claude javoblarining katta qismi — muloyimlik: «Albatta, bu masalani hal qilishda yordam beraman», «Umid qilamanki, bu tushuntirish foydali boʻldi». Kod yozayotganda bu qatorlar hech narsa bermaydi, lekin token sifatida toʻliq hisoblanadi.

Caveman — shu ortiqchani kesib tashlaydigan ochiq skill toʻplami: github.com/JuliusBrussee/caveman

Nima qiladi

Skill Claude ga javobni telegraf uslubida yozishni buyuradi: artikllar, kirish soʻzlari, uzr va takrorlar tushib qoladi, texnik atamalar va kod oʻzgarishsiz qoladi.

Oddiy javob:

Sure! I'd be happy to help you with that. The issue you're experiencing is likely caused by the token expiry check in your authentication middleware...

Caveman rejimida:

Bug in auth middleware. Token expiry check use < not <=. Fix:

Ikkalasi ham bir xil maʼlumot beradi. Ikkinchisi uch barobar qisqa.

Oʻrnatish

git clone https://github.com/JuliusBrussee/caveman
cd caveman
./install.sh

Yoki skill papkasini qoʻlda koʻchirish:

cp -r caveman ~/.claude/skills/caveman

Ishga tushirish — suhbatda:

/caveman full

Darajalari bor: lite (yumshoq qisqartirish), full (asosiy rejim), ultra (eng qisqa). Toʻxtatish uchun stop caveman deb yozasiz.

Ikkinchi qismi: caveman-compress

Toʻplamda yana bitta foydali skill bor — caveman-compress. U javobni emas, oʻqiladigan fayllarni siqadi: CLAUDE.md, AGENTS.md, uzun eslatma fayllari.

/caveman-compress CLAUDE.md

Fayl qisqartirilgan variantga almashtiriladi, asl nusxasi CLAUDE.original.md sifatida saqlanadi. Har bir suhbat boshida shu fayl kontekstga tushadi — demak tejash har bir soʻrovda takrorlanadi.

Oʻlchangan natija

Bir haftalik ish davomida bir xil turdagi vazifalarni ikki rejimda bajarib koʻrdim:

Chiqish tokenlari kirish tokenlaridan qimmatroq turadi, shuning uchun javobni qisqartirish tejashning eng samarali joyi.

Qachon oʻchirish kerak

• Hujjat yozayotganda. Blog post, README yoki mijozga xat caveman uslubida yaramaydi.
• Oʻrganayotganda. Yangi mavzuni tushuntirishda toʻliq jumlalar foydaliroq.
• Xavfsizlik ogohlantirishlari. Skillning oʻzi bunday joylarda avtomatik normal uslubga qaytadi, lekin muhim qarorlarni oʻqiyotganda diqqat qiling.

Menda odat shunday: kod ustida ishlaganda full, hujjat yozganda oʻchiraman.

Kichik eslatma

Caveman javob uslubini oʻzgartiradi, mazmunini emas. Agar model xato qilayotgan boʻlsa, caveman uni tuzatmaydi — faqat xatoni qisqaroq qilib aytadi.